Félagsmiðstöðin Vitinn sem hefur aðsetur í Lækjarskóla býður upp á ljósmyndaklúbb á mánudögum og er mæting í andyri íþróttahús Lækjarskóla á mánudögum kl.16. (Arnþór skráði 30. október '02).

Nýjir kaðlar hafa verið settir upp í íþróttahúsi Lækjarskóla enda gömlu kaðlarnir orðnir mjög lúnir, ein festingin var metin það léleg að nú eru aðeins 7 kaðlar, vonandi verður hægt að laga gömlu festinguna eða skipta henni út fyrir nýja þannig að við höfum 8 kaðla. Nýjar körfur voru að koma í hús og verða settar upp fljótlega. (Arnþór skráði 30. október '02).

Verið er að vinna að jákvæðum reglum og ábendingum sem verða meðal annars sett upp á veggspjöld í íþróttahúsinu. (Arnþór skráði 30. október '02).

Undanfarið hefur verið körfuboltatímabil hjá strákum í 6. bekk og eldri, því lýkur í dag í íþróttahúsinu að Strandgötu með körfuboltamóti. Á tímabilinu hefur verið spilað, farið í sniðskot, "Bolla", nemendur hafa reynt að dæma o.fl. (Arnþór skráði 30. október '02).

Við höfum sett upp vinsælan stöðvahring sem nemendur eru búnir að spreyta sig á þessa viku. Stöðvarnar eru: Kviðæfingar, stökkið yfir bekk, armbeygjur, stigið upp á kistulok, hvíld, hlaupið og sippað. (Arnþór skráði 30. október '02).

Talsvert hefur verið um það að nemendur séu fjarverandi eða ekki með sund-, íþróttaföt og eða handklæði. Baðverðir, nemendur o.fl. eru hvattir til að hvetja nemendur til að þvo sér og þurrka eftir íþróttir og að hafa eftirlit í búningsklefum. Vinsamlega stoppið hávaða, átök og skemmdaverk. Umsjónarkennarar eru hvattir til að fylgjast með skráningu um nemendur í Stundvísi sem er forrit sem starfsmenn skólans nota. Umsjónarkennararnir er beðnir um að hafa samband heim telji þeir þörf á, gott væri að skrá það þar. Við íþróttakennarar reynum það líka, en þegar um er að ræða tvo til fimm nemendur í hverjum bekk og í einstaka tilvikum enn fleiri auk þess sem við kennum öllum nemendum skólans, önnum við ekki þörfinni og þurfum aðstoð ykkar. Vinnum saman að enn betri skóla. Við hvetjum fólk til að nýta sér tölvutæknina, skrá í Stundvísi og minnum á vinsælu námsgreinina okkar íþróttir á www.laekjarskoli.is. Kveðja, Arnþór, Arna og Oddgerður (Odda) (Arnþór skráði 29. október '02).

Rifnir hafa verið niður nokkrir snagar í búningsklefum í íþróttahúsinu að Strandgötu og íþróttahúsi Lækjarskóla. Bendum á að skemmdaverk kosta okkur bæjarbúa, stöndum vörð um bæinn okkar og komum upp um skemmdaverk. Ég minni á reglur um umgengni íþróttamannvirkja í Hafnarfirði sem lesa má meira um með að smella hér og sjá má einnig á spjöldum í andyri beggja húsa. (Arnþór skráði 24. október '02).

Fimm nemendur mættu í skákklúbb félagsmiðstöðvarinnar Vitans sem hefur aðsetur í Lækjarskóla, skákklúbburinn fer fram í stofu 306 á fimmtudögum kl. 17 - 18 og er öllum opinn, aðeins þrír nemendur mættu fyrir viku og er þetta því góð aukning. Enn er gott pláss fyrir fleiri og eru nemendur hvattir til að nýta sér klúbbinn. Mót þar sem teflt er um veglegann bikar verður haldið fljótlega. (Arnþór skráði 24. október '02).

Aðeins tveir nemendur mættu frá kl.17 til 18 í dag úr Lækjarskóla í 8. - 10. bekk í íþróttaklúbb félagsmiðstöðvarinnar Vitans sem hefur aðsetur í skólanum. Klúbburinn fer fram í íþróttahúsi Lækjarskóla og er þar á þri. og fim. kl. 17 - 18. Nemendur úr skólanum fóru í dag til Grindavíkur í ferð með skólafélögunum og voru komnir úr ferðinni kl. 15 sem gæti hafa haft áhrif á mætinguna í íþróttaklúbbinn í dag. Nemendur eru hvattir til að nýta sér klúbbinn.(Arnþór skráði 24. október '02).

Alls mættu frá kl.16 og 17 í dag á þriðja tug nemenda úr Lækjarskóla úr 5. - 7. bekk í íþróttaklúbb félagsmiðstöðvarinnar Vitans sem hefur aðsetur í skólanum. Klúbburinn fer fram í íþróttahúsi Lækjarskóla. (Arnþór skráði 24. október '02).

"Píp testið" fór vel fram á miðvikudag. Eftirtaldir drengir náðu lengst: Bogi Eggertsson og Gunnar Páll Pálsson náðu 9 ferðum á 8. stigi, báðir í 6. bekk. Í 7. bekk náði Haukur Einarsson lengst en hann hljóp 3 ferðir á 11. stigi, annar varð Steinar Aronsson með 5 ferðir í 10. stigi. Í 8. bekk náði Reynir Magnússon lengst, lauk 8. stigi, í 9. bekk Vorpon Choeipho (11/5) og í 10. bekk Arnór Heiðarsson (11/0). (Arnþór skráði 17. október '02).

Á annan tug nemenda mættu í íþrótta- og skákklúbbana í dag. Minnum á tímasetningarnar hér fyrir neðan. (Arnþór skráði 17. október '02).

Minni á hættur sem geta skapast við að hafa á sér úr, skartgripi og vera með tyggigúmí við íþróttaiðkun. Lítið á reglur og tilmæli sem skoða má með að smella hér. Með von um skemmtilega og örugga íþróttaiðkun. (Arnþór skráði 16. október '02).

Íþróttaklúbburinn fór vel af stað í gær, alls mættu á annan tug nemenda og skemmtu sér vel í íþróttahúsi Lækjarskóla. Minni á tímasetningar klúbbsins sem sjá má hér neðar. (Arnþór skráði 16. október '02).

Skákklúbbur er í stofu 306 í Lækjarskóla á vegum félagsmiðstöðvarinnar Vitans á fimmtudögum kl. 17-18. Skákklúbburinn er fyrir nemendur Lækjarskóla í 4. bekk og eldri. Dreift verður fræðsluefni um skák, manngangur kenndur fyrir þá sem hann ekki þekkja og skákmót haldin.

Íþróttaklúbbur er í íþróttahúsi Lækjarskóla á vegum félagsmiðstöðvarinnar Vitans á þriðjudögum og fimmtudögum. Íþróttaklúbburinn er fyrir 5. - 7. bekk kl. 16-17 og fyrir 8. - 10. bekk kl. 17-18. Nemendahópurinn sem mætir velur íþróttagreinar og ræður meirihlutinn hvaða grein verður í hvert skipti.

Þolpróf (píp test) verður í íþróttum miðvikudaginn 16. október n.k.

Innitímabil verður í íþróttum frá mánudeginum 14. október n.k. Við minnum á handklæði, íþróttaföt og innanhúsíþróttaskó fyrir nemendur í 4. bekk og eldri.

Frá og með miðjum október verða inni íþróttir í gamla íþróttahúsinu okkar. (Arnþór skráði 7. október '02).

Undanfarin ár höfum við verið með leikjadag fyrir 1.-4. bekki haust og vor. Núna er staðan þannig að aðstaða við nýja skólann er ekki hentug til að halda leikjadag þannig að við yrðum að nota völlinn við gamla skólann. Tímasetning yrði að vera fyrir hádegi vegna einsetningarinnar en þá er verið að kenna í gamla húsinu og líklegt að mikil truflun verði af leikjum rúmlega 200 barna á skólalóðinni. Við höfum því ákveðið í samráði við skólastjórnendur að fella niður fyrri leikjadaginn þennan vetur og halda þann síðari í vor þegar losnar um skólastarfið og taka síðan þráðinn upp að nýju næsta vetur þegar endanleg skólalóð verður komin í gagnið á nýja staðnum. Ef einhver sér aðra leið væri gott að fá línu um það.

Íþróttakennarar og skólastjórnendur.

Útitímabil verður í íþróttum fram í miðjan október n.k. þegar veður leyfir. Munið góða skó, handklæði og úti íþróttaföt.

Viðfangsefni:

Skólahringir 2 stk.

Svo má velja:
Fótbolti
Handbolti
Körfubolti
Leiktæki
- Rólur, Kastali, Snú / Snú, Sippa o.fl.

Leikir
- París, Hlaup í skarðið, Eina krónu, Skotbolta, Verpa eggjum o.fl.

Að gefnu tilefni viljum við minna á að í íþróttakennslu hjá 1. bekk þurfa nemendur ekki að fara í sturtu fyrstu mánuðina. Þetta er gert til þess að íþróttatímarnir nýtist betur þar sem ákveðinn tími fer í að fara í sturtu og klæða sig. Auk þess höfum við aðeins einn sturtuklefa í gamla íþróttahúsinu okkar og aðeins einn skólaliða. Við höfum því haft það þannig í Lækjarskóla að upp úr áramótum er ætlast til að nemendur hafi lært að fara í sturtu og klæða sig. Við vonumst eftir góðu samstarfi og viljum nota tækifærið að bjóða nýja nemendur hjartanlega velkomna í skólann.

Með íþróttakveðju,
Arnþór Ragnarsson og Arna Steinsen
Íþróttakennarar Lækjarskóla.

Eldri fréttir 2002: Maí-júní, apríl, mars og febrúar.

Eldri fréttir 2001


                                              © Lækjarskóli 2002 (AR)